Tšetibosko liiniba ta staaviba aro parlamentos
Kammehako tu lel tilsvaaribi aro parlamentosko buttiako puȟȟibi elle kammehako tu staaves aro parlamentosko bari hisbako peȟȟibiengo rakkibi? Dai teele hin parlamentosko sankibosko džaanibi.
Au staaves sar frendo aro parlamentos
Parlamentos hin phirro tukke, jakkes te tuut hin vojiba te lel dieliba aro rakkibi ta folkenge stellime ȟunjibi, trystal sikibi doori elle sikjibosko staavibi stellime frentenge.
Besök riksdagen (sveittiko tšimbeha)
Parlamentarikaano tšeer hin aro Helgeandsholmen aro Ȟeeruno foorosko/Stockholmesko sentros.
Laȟ hortto arre aavibosko vuudar ta dik, so hin fuortuno te hajuves kaana tu aaȟȟeha sar frendo doori:
Fakta puȟȟibi parlamentesta ta Europako Uniatta (EU)
Kaana tuut hin fakta puȟȟibi parlamentesko buttiatta ta EU saakenna, tuut hin vojiba te baȟaves aro parlamentosko džaanibosko diinibiako sentros (info). Baȟiba doori na molula tši.
- E-post: riksdagsinformation@riksdagen.se
- Baȟiba/Telefon: 020-349 000
Saaruno baȟibosko tiiji: Vaaguno diives – Pangȟto diives kamana 9–12 ta 13–15. Baȟibosko tiiji hin stillime kajo niijalesko tiija ta angle kurke divisi ta lovako tiija.
Hinko tuut dikkibosko rig (hajiba) aro politikaane ringengo alsibi
Ke tuut hin dikkibi, alsibi elle hajiba so ȟunjula aro politikaano ringengo butti, le džeent tšetiba lensa ta aro EU Parlamentosko lendibongiirensa. Dai teele hin džeent internettiako linkos/tšetiba lensa:
Le dielos aro oppenbaarime saakako liine
Aro teeluno rekisteros (diarios) tuut hin vojime te roodes oppenbaarime saakako liine.
Ke tu kammeha te lel dikkes oppenbaarime saakako liin, le tšetiba doolessa koon hin tilsvaarime datta rekisteriatta.
- E-postos: registrator.riksdagsforvaltningen@riksdagen.se
- Fax: 08-786 51 30
- Sankibosko tafla - växel: 08-786 40 00
Sakka divisako phirrimesko tiija: Vaaguno diives – pangȟto diives kamana 9–11.30 ta 13–16. Phirrimesko tiiji hin stillime kajo niijalesko tiija ta angle kurke divisi ta lovako tiija.