E parlamentareskere predsednikoskoro nalog
E parlamenteskere predsedatele isi i hempaluni odgovornost sar ka planirinelpe hem sar ka ingarelpe e parlamenteskiri buti. O predsedateli vastingarela e parlamenteskiri buti dogovoribaja e parlamenteskere grupakere liderencar hem e potporaja tari e Riksdageskiri uprava.O predsedateli vastingarela isto o sednice ko domi hem tano e parlamenteskoro hemangluno predstavniko ko razno nacionalnikane hem internacionalnikane kontekstia.
Parlamenteskoro predsedateli tano o hembaro položaj jekh manuš šaj te odbirinelpe ki Švedia. Prema o rango e parlamenteskoro predsedateli tano palo e državakoro šefi, znači palo o krali, ama angleder o premijeri.
E parlamenteskoro predsedniko predložinela koj ka ovel premijeri
E presednikoskiri importantno zadača tani te vastingarel o pregovoria pri vladakiri promena hem te iznosinel predlog neve premijereske. Akava tano edinstveno e Švediake. Ko avera parlamentarnikane demokratie butfar e vladakoro šefi vastingarela e vladakiri promena.
E Riksdageskoro predsedateli tano avrialdan tari i politkani buti. O predsedniko tano odbirimo parlamentarnikano členi, ama sar predsedniko na učestvuinela ko skupštinakere odboreskiri buti ja ko debate ja ko izboria ko domi. E predsedniko isi jekh zameniko so kjerela akava.