I buti ko parlamenti
E Riksdage isi 349 členia so odbirinenape sako štarto berš ko javno izboria. O domi tano e parlamentareskoro ilo, ama pobut tari politikani buti kjerelape isto ko partiakere grupe hem ko skupštinaskoro odbor.
E Riksdageskere členia nae zaposlime taro o parlamenti nego isi olen jekh nalog taro ple odbiračia te bešen ko parlamenti telo jekh odredimo vakti. Odoleske dobinena honorari a na plata. Jekh členi izvršinela pli dužnost 24 sahatia, telo soro berš. I dužnost nae ograničimi bučake ko parlamneti nego isto šaj te izvšinelpe ko misal ko izborno krugo kote so o členi tano odbirimo, ko avera thana ja ko inostranstvo.
E člene isi 75 500 krune osnovno honorari ko masek, kolestar platinelape porezi.
Ko domi debatirinena o členia hem anena odluke
O domi, ja i plenarno sala, tani e parlamenteskoro ilo. Akate debatirinelape e parlamenteskere členongoro hemimportantno pučiba hem akate o parlamenti anela ple odluke.
Ko domi, maškar aver, održinenape debatia bašo predmetia, interpelaciakere debate e poedinačno ministerencar hem pučiba e vladaja. Pobare debate sar ko misal partiakere debate, pale iranenape telo soro berš. O partie isto šaj te zahtevinen o parlamenti te održinel jekh debata ko jekh posebno importantno pučiba.
E skupštinakere odboria pripreminena o odluke
Jekh baro kotor tari i politikani buti kjerelape ko parlamenteskere partiengere grupe, partiakere grupe hem ko 15 skupštinakere odboria.
Odola členia so pripadinena ki isto partia formirinena jekh partiakiri grupa. Ke partiakere grupe diskutirinelape sa o importantno pučiba angleder o členia ko avgo ka len stavi ko skupštinakoro odbor hem ko domi.
Ko skupštinakoro odbor o členia spreminena sa o odluke so ka anel o parlamenti. Keda e skupštinakoro odbor ka predstavinel plo predlog tegani tano vakti sa e parlamenteskere 349 členonge te len stavi e predlogoske ko domi.
Ko sako skupštinakoro odbor bešena 17 členia. E skupštinakoro odbor tano sar jekh ” mini-parlamenti”, so značinela so e členengoro sastaviba ko skupštinakoro odbor odražinela e parlamenteskoro izgled. E hembare partia ko parlamenti isi hembut thana ko skupštinakoro odbor.
Ko EU-odbor i vlada zorakerela pli EU-politika. I vlada mora te konsultirinel e EU-odborea angleder o khedipa ko ministerengoro godidejbe hem o khedipa maškar o EU: re državakere hem vladakere šefencar ko Evropakoro godidejba.