Dodaime izboria
Jekh dodaimo izbor ko parlamenti tano jekh izbor so šaj te održinelpe maškar o redovno izboria, telo jekh tekovno izboreskoro periodi. Dodaimo izbor izvšinelape skoro sar jekh obično izbor, sade so o vakti spemibaske tano pokratko.
I vlada šaj te odlučinel dodaime izborenge maškar o redovno izboria. Tegani i vlada so odlučinela o dive izborenge. O izbor ka održinelpe ko roko trine masekonge pali i andi odluka.
Te e majoriteten ko parlamenti nae poverenje e premijereske ja avere ministereske šaj te usmerinelpe, kaske so vakerelape, bipoverenje prema o ministeri. Te o parlamenti usmerinela jekh bipoverenje protiv o premijeri tegani o premijeri hem i vlada mora te odstavinel ja te odlučinel dodaime izborenge.
Te i odluka premijeske taro o parlamentareskoro predsedniko na priznainelape
Keda jekh vlada podnesindža odstavka tegani e parlamentareskoro predsednikoskiri odgovornost tani te del predlog bašo nevo premijeri. Te o predsedniko štar far na uspeindža ple predlogoncar neve premijereske taro o Riksdag, ka održinelpe jekh dodaimo izbor. Hem ko avala slučaj o dodaimo izbor ka održinelpe ko roko trine masekonge.
Na zameninela o uobičaime izboria
O dodaime izboria na meninela o vakti bašo o redovno izboria. E parlamenteskere členia so odbirinenape pri jekh dodaiamo izbor na podžinena nevo štareberšengoro izborengoro periodi, nego zasedinenape dži ko aver redovno izbor.
Dodiame izboria tane biobično ki Švedia. Palo o demokratikano podžiba ko 1920-beršengoro avgipe, ikerdžape sade jekh dodaimo izbor. Odova sine o izbor ko dujto domi ko 1:to juni 1958.