Le kontakt to ta ava to riksdagen
Volltrar du te le svarepan to puttchepan palla dova riksdagengro buttepa eller ava te dikka ta schunna pre je debatt dre riksdagens kammare? Akajj aschar info tchakkes du ler kontakt to riksdagen.
Ava to riksdagene
Riksdagengre budar aschar kerda pre tchakke manusch motte te ava forr te schunna ta te dikka pre debatter ta utfrågningar, te sikkras tchakkes dó dikkas vri andre riksdagen.
Ava to riksdagen (pre Svedikko-rakkrepa)
Riksdagshuset aschar pre Helgelandsholmen andri masskar fonn Stockholm. Lattcha horrta budar te mukkas dre ta drabbra palla save kovver aschar viktiga te jana glan diro tradrepa da’to.
Puttchepan palla riksdag ta EU
Kammar du puttchepan palla riksdag ta EU, ler du kontakt to riksdagsinformation. Te tava mollar tchi nani.
- E-lill: riksdagsinformation@riksdagen.se
- Tav: 020-349 000
Tchiro te tava: Måndag to fredag, 9-12 ta 13-15 pre kambana. Tchiron aschar begränsad tellan nijall ta kanna aschar tchiro forr kurrko-divesar ta lov fonn drabbre-hispa.
Dennkrepan ta politikke förslag fonn partier
Kammar du partipolitikke förslag ta dennkrepan motte du rakkra to politikke partier ta ledamöter direkt. Kontaktuppgifter to riksdagspartierna ta ledamöterna lattchas akajj:
Le te drabbra allmänna ranndrepan
Dre diariet motte du roddra palla allmänna ranndrepan.
Diariet (pre Svedikko-rakkrepa)
Volltrar du te le vri je allmän ranndrepa ler du kontakt to registrator.
- E-lill: registrator.riksdagsforvaltningen@riksdagen.se
- Fax: 08-786 51 30
- Tav: 08-786 40 00
Tchiro kanna motte les kontakt: Måndag–fredag 9–11.30 ta 13–16 pre kambana. Tchiron aschar begränsad tellan nijall ta kanna aschar tchiro forr kurrko-divesar ta lov fonn drabbre-hispa.