Referendumo

Ando Švedo si duj fjalo referendurja pa sa o them, save bušion nationalne referendurja. Si referendurja pe save rodelpes šfato aj referendurja save si pa le fundamento krisa, save shaj te vazden zakono ne vuni situacija. Šoxa či inkeredjapes ando Švedo referendumo pa le fundamento krisa. 

Le nationalne referendurja musaj te avel exčeptsija. Ne kodja si numa o parlamento savo shaj te porunčil te inkerelpes jekh nationalno referendumo. 

Te si k-o parlamento porunčil te inkerelpes jekh nationalno referendumo, lel pes atunči jekh specialno kris savi sikavel le zakonurja save thonpen ne kodo specifiko referendum, sar kana si parlamentoske alomos pa kodo so trebul sar eksemplo čačimos te alosares, alomoske distrikto aj sar džalpes te alosares. 

Referendurja pe save rodelpes šfato

Jekh referendumo pe savo rodelpes šfato ci vazdel zakono. Te si ke inkerdjapes referendumo pe savo rodjapes šfato pa pušimos, o zakono porunčilpes pa kodo pušimos katar o parlamento. Aba o gindo si kaj o referendumo te sikavel šfato pa kodo zakono so si te lelpes katar o parlamento.

Šov nationalno referendurja pe save rodjapes šfato

O posibiliteto te inkerenpen referendurja pe save te rodelpes šfato sas uvudo ando Švedo ando berš 1922 aj aba vi inkerdjapes ne sa kodo berš ne jekh referendumo te oprisaren le alokoliko pimata. Totalo inkerdjapes šov nationalno referendurja te rodelpes šfato: 

• 1922 te oprisaren le alokoliko pimata.
• 1955 te pharuvelpes o tradimos katar stingači trafiko te avel pa e čači rig.
• 1957 te avel generalo extra penzija.
• 1980 pa o nuklearo putaŕa
• 1994 pa o alomos sar membro ando EU
• 2003 te tholpes o euro sar valuta ando Švedo

Referendumo pa komuna

Si vi posibiliteto te inkerelpes referendurja pol kumunurja aj regiunurja. Sa kanagodi kadala referendurja si numa te rodelpes šfato.