E buči ando parlamento
O Parlarmento siles 349 reprezentanturja save alosarenpen sakon štarto berš ando ordinario alomos. O kamero si le parlamentoske ilo, aba but katar e politiko buči kerelpes vi andol grupurja katar le partidurja aj andol komiteturja.
Le parlamentoske reprezentanturja či si službenikurja ando parlamento aba von silen jekh misiunja katar kodola save alosarde len te bešen ando parlamento pa jekh exakto vramja. Ne kodja silen numa jekh počin aj najlen salarjí. Jekh reprezentanto kerel peski misiunja sa le dêsa ando berš, sakon berš. E misiunja naj oprisarime pa buči numa ando parlamento, aba shaj te kerelpes vi sar si eksemplo ando alosamoske distrikto kaj sas alosardo o reprezentanto, pe aver thana vaj ne aver thema.
Le reprezentanturja silen jekh grundo počin so si 75 500 pa jekh šion pe savi počinen taxa.
Ando kamero le reprezentanturja keren divano aj porunčin le zakonurja
O kamero, vaj o pleno, si le parlamentoske ilo. Kathe le reprezentanturja keren divano pa tista importante pušimatar aj kathe den penge zakonurja.
Ando kamero inkerenpen debaturja pa le tema, le interpelatorí debaturja uni individualo ministrurja aj timpo kana vazdenpen pušimatar ko governo. Maj bare debaturja sar eksemplo maškar le partidoske kapurja, aven pa jekh beršeske vramja. Le partidurja shaj vi te mangen le parlamentoske te inkeren jekh debato pa jekh importanto pušimos.
Le komiteturja preparin le zakonurja
Jekh baro kotor ande politiko buči inkerelpes adol parlamentoske partidonge grupurja aj andol 15 komiteturja.
Le reprezentaturja save aven sa katar kodo partido keren kethanes jekh partidoske grupo. Andol partidoske grupurja del pes duma pa sa le importante pušimatar maj anglal le reprezentanturja te len pengi pozitsia ando komiteto aj kamero.
Andol komiteturja preparin le reprezentaturja sa le zakonurja so si te porunčinpen ando parlamento. Kana jekh komiteto prezintisardja pengo sugestja po zakono atunči avel e vramja kana sa le parlamentoske 349 reprezentanturja te len pengi pozitsia karing e sugestja ando kamero.
Ne sakon komiteto bešen 17 reprezentanturja. Le komiteturja si sar ”mini parlamento”, kodo so avel ka e struktura pol reprezentanturja andol komiteturja sikavel sa kodo sar sikavel o parlamento. O maj baro partido ando parlamento silen o maj but reprezentanturja ne sakon komiteto.
Ando EU-konsiljo o governo lel suporto pa lesko EU-politiko. O governo musaj te lel šfato katar o EU-konsiljo maj anglal te avenlen mitingo ando konsiljo le ministerengo aj mitingo maškar EU-thema aj šefurja le governenge ande Europake konsiljo.