Alomos ando EU
Si alomos kaj o Europake parlamento sakon panžto berš, butivar akarelpes EU-alomos vaj Europa alomos. Atunči le citizenurja ando Švedo aj kaver EU-thema alosaren save politikake partidurja aj reprezentanturja si te aven andre aj te len zakonurja ando parlamento. O EU-alomos avel ando berš 2029.
Europake parlamento si o korkoro numa kodo EU-instituto savo alosarelpes direkto nol ordinaríe alomos. Ando Europake parlamento bešen 720 reprezentanturja katar 27 EU-thema membrurja. Sode reprezentanturja aven katar sekon them lelpes pala sar si de bari e populatsja ando them. O Švedo siles 21 reprezentanturja.
Čačimos te alosares ando EU-alomos
Čačimos te alosares ando švedisko EU-alomos sile kodoles savo pherdulja 18 berš o maj palutňe ando kodo dês kana si o alomos aj opral ori
- si švedisko citizeno savo siles vaj sasles o domčiljo ando Švedo, vaj
- si citizeno ne aver EU-them savo siles domičiljo ando Švedo aj registrisardjapes pe alomoske švedisko lista o maj palutňe 30 dêsa maj anglal sar o dês le alomoske.
Alomoske lista si jekh dokumentime lista pa sa le žene save silen čačimos te alosaren ne jekh specifiko alomos.
Kodo kon kamel te avel alosardo sar švedisko reprezentanto ando Europake parlamento musaj te avel les čačimos te alosarel ando alomos aj te avel nomiňe, sar phenelpes nakado sar kandidato, katar jekh politisko partido.
Kodo savo si švedisko citizeno aj siles domičiljo ne aver EU-them shaj te alosarel te votíl ne kodoleske them alomos ko Europake parlamento. Shaj ke musaj te registrilpes pa alomaske lista te avel les posibiliteto te votíl. O proceso si diferitno nol diferitne thema.
Shaj te votís vi maj anglal e vramja vaj ando dês kana si o alomos
Ando Švedo džjal o proceso ando EU-alomos sa kod osar si ando alomos ko parlamento, regiunurja aj le komunurja. Kodo so siles čačimos te alosarel primil khere ande pošta jekh alomoske karta aj pala kodo shaj te votís maj anglal e vramja vaj ando alomoske lokalo ando dês kana inkerelpes o alomos.
Le švedisko citizenurja save bešen ne aver thema shaj te bišaven andre pengo voto pa e pošta vaj te votín kaj e ambasada vaj o konsulato.
Other languages on the website of The Swedish Election Authority