Ciřa pa historia pa o EU
E ideea te lelpes o EU avilja pala o dujto maripe. Šov thema kethanes vazdiňe e Europake angaroske aj abcînoske komuniteto ando berš 1952. Jekh gîndo sas kaj le thema kethanes te len responsabiliteto pa sar te keren angar aj abcîn, save sas tista importante materíja ande industríja no maripe. Ne kado fjalo sas te del pe rigate kaj jekh specifiko them numa te ekipilpes po nevo. Kado sas o anglutno paso te kerelpes o EU.
E kolaboratsja gelja maj dur ando 1958 te avel sar eksemplo vi pe agrikultura aj komerčjalno politika. Sa e kolabortsja ando 1967 areslja te bušiol EG, Europake komuniteturja.
La vramjasa vazdjapes e kolaboratsja maškar le thema membrurja pa maj but zoňe. 1993 o EG nakadja ko EU- Europake uniunja. Atunči vazdjapes jekh interno piatzo savorrenge pol produkturja, servičiurja, manuša aj kapitalo ando EU.
1999 o EU implemintisardja o ekonomiko aj monetaro uniunja (EMU) aj e savorrenge valuto euro. O euro implemintisardjapes maj anglal sar jekh elektronisko valuta aj ando berš 2002 avilé le hîrtjake euro aj mínturja. Adês 20 EU-thema silen euro sar lengi valuta. O Švedo naj partja ando euro kolaboratsja.
Palol berša sa maj but thema avilé andre sar membrurja ando EU. Katar o maškar po dečenjo 1990 aj ži ando 2013 o EU barulja katar 12 ži kol 28 thema membrurja.
Adês ando EU si 27 thema save kethanes silen cirka 448 miljonurja manuš.