Ekstra alope
Jekh ekstra alope po riksdagen si jekh alope savo shaj te inkrelpe mashkar e chacikane glasomata, sarso zhal jekh alomaskiperioda. Ekstra alope zhal majbutivar sar jekh normalno themeskoalope, feri kodoj ke majcera vrama si te getolpe pe kado.
O regeringo savo beshel pe zor shaj shon tele pa ekstra alope mashkar e chachikane alomata. Atunchi si kodo kana o regeringo alol alomaskodjes. O alope trobul te inkrelpe majsigo sar trin shon pala teleshuti vorba.
Te si jekh majoriteto ando riksdagen saven naj patjape ando statsministeri vaj ande jekh kaver ministeri shaj von te bishaven jekh sarso phenelpe bipatjamaskivorba po ministeri. O riksdagen te bishavela jekh bipatjamaskivorba po ministeri musaji o statsministeri thaj o regeringo te zhan tele pa penge thana vaj te shontele vorba pa jekh ekstra alope.
Te si kade ke e vorbakosherosko gindo po themeskoministeri chi primilpe
Kana jek regeringo geletele pa pengethana, atunchi si e talmaneski butji te lel angle jekh nevi prepozicia pe jekh nevo statsministeri. O talmanen tena birila te lel angle jekhe neve statsministeres shtarval ande peske prepoziji le riksdagoneske atunchi musajsi te avel thaj te inkrelpe jekh ekstra alope. Vi ande kadi situacia trobuj kado ekstra alope te kerelpe majsigo sarso natjon e trin shon.
Chi paruvel o than pe chache alomata
Ekstra alope chi paruvel e vrama pe le chachikane alomata. Kodola riksdagenoskemanush save alonpe pe jekh ekstra alope chi kezdin pe jekh nevi shtarebershengi alomaskivrama, feri beshen zhi pe kaver chachikano alope.
Ekstra alope phares maladjon ando Shvedo. Desar a demokratiako kezdipe ando kezdipe pa 1920-bersh sas feri jekh ekstra alope inkerdo. Kodo sas ando glasope pe dujto kamare/soba ando 1 juni 1958.
Manushikanoglasope
Jek narodoskonevoglasope si ande jek nevoglasope kaj alajitora direktno alon kaj tordjon ande jek politikako bajoskopushipe. O riksdagen si kodo kon sholtele te avel jek narodoskonevoglasope ando intrego them. Shaj te inkrelpe vi narodoskonevoglasope vi ande komuni thaj ande regioni.
Ando Shvedo si duj sorti narodoskonevoglasope savo zhal pe intrego them, sarso phenelpe nacionalni narodoskonevoglasope. Von si vezetimaske narodoskonevoglasope thaj narodoskonevoglasope so zhal pa fundosko-zakonosko-pushipe, so shaj avel musajimasko unjivar. Shoha chi inkerdaspe jekh narodoskonevoglasope pa jek fundosko-zakonosko-pushipe ando Shvedo.
Nacionalni narodoskonevoglasope trobun te aven feri kan musaj. Anda kodo feri o riksdagen shaj shon tele te inkrelapa jekh nacionalno narodoskonevoglasope.
O riksdagen te shola tele te inkrelpe jek nacionalno narodoskonevoglasope atunchi lelpe ande jekh avrialome zakono save reg uli kerdej feri si anda kodo aktualno narodoskonevoglasope. Khote sholple tele pa savo pushipe te avel thaj pa savo djes te inkrelpe o narodoskonevoglasope. Kado vi kado sa kade zhal vi kana e regli kerenpe pe nacionalni narodoskonevoglasope save pe riksdagenoskoalope si sar pe alomaskochachipe, alomaskodistrikto thaj glasope.