E butji ando riksdagen
E riksdagenos si 349 vezera save alonpe sako shtarto bersh ande puterde alojimata. E kamra si e riksdagenosko ilo, de but anda e politicko butji zhal vi ande partiengegrupi thaj ande bumbakura.
Riksdagenoskevezera naj butjidine khatar o riksdagen, numa si len jekh butji khatar penge zhene save alosarde len te beshen ando riksdageno pe jekh teleshuti vrama. Palakodo von len jekh lovengodinipe len naj jekh prosto potjin. Jekh ledamot kerel peski butji bishtajshtarchasura, intrego bersh. E butji naj ashadi pe butji ando riksdagen numa vi khote shaj kerelpe sar eksemplo pe kodo alomaskotajo kaj o ledamot si alosardo, pe kavera thana vaj avriandathem.
Vezeren si jekh majcino lovengodinipe pe 75 500 koroni ando shon anda soste von potjinen skato.
Ande kamra debatirin e vezera thaj shon tele vorba
Kamra, vaj plenisala, si riksdagenesko ilo. Khate debatirin e riksdagenoskevezera pe bare vorbi thaj khatej o than kaj o riksdagen shon tele penge vorbi.
Ande kamra zhan vi debatura pa so maladjon, interpelaciakedebatura avri alome ministerenca thaj pushimaskevrami le regeringosa. Majbare debatura sar eksemplo partiengesherengedebatura, aven palpale ando bersh. E partiji shaj vi te mangen o riksdagen te inkrel jek debato ande varesavi avri alome bari vorba.
E bumbakura geton te shon tele
Jekh baro kotor anda e politickobutji maladjol ande riksdagenoskepartienge grupi thaj ande le 15 bumbakura.
Le vezera save si ande sajekh partia keren jek partiakigrupa. Ande partiakegrupi vorbilpe pa sa kuch thaj bare pushimata majsigo sarso e vezetora po agor ashon opre pe kodo ando bumbako thaj ande kamra.
Ando bumbako getonpe e vezera sa so trobulpe te sholpe tele so o regeringo lel. Kana jekh bumbako sikadas pesko gindo pe kodo so te shol tele avel e vrama pe sa le riksdagenoske 349 vezera te phenen pengo gindo pe prepozicia ande kamra.
Ande sako bumbako beshen 17 vezera. E bumbakura si sar jek ”cinoriksdago”, savo si ke e vezera ando bumbako si sar glinda pe riksdagenosko mezipe. E majbari partia ando riksdago so si len si vi e maj but thana ande sako bumbako.
Ando EU-nämnden phandel o regeringo peski EU-politika. O regeringo musaj te vorbilpe khetanes e EU-bordo angla chidimata ande ministerengegodjavera thaj ande chidimata mashkar EU:e themeske- thaj regeringoskeshefura ande Europicko vezetipe.