Kade kerdjol o regeringo
Jek regeringo shaj beshel zhi kaj si len dosta but dumo ando rikdsdagen. Si but butja anda save o regeringo shaj te avel te zhal tele pa pesko than thaj jek nevo regeringo te kerelpe.
O maj normalno sostar jek regeringo musaji te mukel pesko than si ke o regeringoskipartia vaj jek koalacia majbute partienca xasaren pengi zor ando riksdagen pala jek alope. Atunchi shaj o themeskoministeri shaj mukel pesko than korko te kamel, vaj shaj vov te mukel pesko than pala kodo themeskoministereskoglasope savo lelpe ando riksdageno pala jekh alope.
Shaj maladjol vi te kerelpe jek nevo regeringo, te sas kade ke o regeringo musaj sas te muken pengo than anda kodo ke o riksdagen shute tele jek bipatjamaskivorba karing o themeskoministeri vaj te si kade ke jek themeskoministeri alosardas te mukel pesko than anda varesoske kaver butja.
O regeringo savo si, ashol sar jek perdal nakhimaskoregeringo. Jek perdal nakhimaskoregeringo inkrel sa e pushimata so aven, de chi lenpe neve politikake butjanca.
Vorbakoshero shinavel kon te avel e themeskoministeri
Kana jek regeringo zhal tele, si e vorbakosheroeski butji te phenel kon te avel jek nevo themeskoministeri. A vorbakoshero vorbil le zhenenca save inkren sa e riksdageneske partiji te shaj zhanel savo themeskoministeri si kandidato thaj majbut shajipe te avel themeskoministeri mashkar sa le partiji, thaj pala kado te alolpe e neve themeskeministeres thaj te phandelpe khetanes jek regeringo savo o riksdagen si dosta but patjape anda. O vorbakoshero vorbil le vice vorbengezhene thaj del ande palakodo pesko shinajipe kon te avel e regeringoske.
Kana a vorbakoshero prezentiril pesko gindo phenel sa atunchi vi pa save partiji te aven ande ando regeringo. A vojako gindo si te arakhelpe kodole themeskeministereske kandidatos saves si majbaro shajipe te shol khetanes jekh regeringos saven si dosta but dumosko inkeripe anda riksdageno.
Riksdagen glasolil pa themeskoministeri
Vorbakerajesko shinajipe po themeskoministeri zumavelpe thaj dikhelpe perdal khatar riksdagenskeraj ande kamra ande jek glasomasko alope. Te avla majbut sar dopash anda riksdagenskeraj, maj cera 175 zhene, tena ahsona opre po shinajipe chi nakhel o shinajipe perdal. Tena nichi atunchi nakhel.
A vorbakoshero shaj zumavelpe shtarvales
Tena naj jekh shinado gindo pe themeskoministeri dosta but dumosko inkeripe, musaji a vorbakoshero te vorbilpe le partiengesherenca inkejokhvar, te vorbilpe le dujtone vorbakerajenca, thaj palakodo te del jekh kaver nevo shinajipe. Le vorbakerajes si shtarvaleste te zumavelpe. Tena birila te nakhel perdal kodo shinajipe kon te avel o nevo themeskoministeri ando riksdageno, trobuj te inkrelpe jekh nevo ekstra alope ande trin shon vrama.
Themesko ministeri shuvavel avere ministeren
O themeskoministeri parancholil save ministera te aven lesa ando lesko regeringo. Somaj sigo vov lel pesko than trobuj vov o themeskoministeri te del angle ando riksdagen kon thaj save zhene avna ando regeringo shinade sar ministera
Regeringoskoparujipe nakhel perdal formalno kana jek konseljo ando krajesko rakanokher. Kado si jekh regeringoskochidipe kaj e themeskoshefo, savo si alome sar kraj vaj krajaskinja, si sar vorbakoikeritori ando kado chidipe.