Alope po EU
Alope so po Europakoparlamento sako panzhto bersh, butivar phenelpe EU-alope vaj Europa-alope. Atunchi alon o narodo ando Shvedo thaj ande le kavera EU-thema save politicka partiji thaj vezera save te aven ande khetanes thaj te shon tele e vorbi ando parlamento. O kaver EU-alope si ando bersh 2029.
Europakoparlamento si feri kodo jekh EU-institucia savi alolpe direktno ande puterde alomata. Ande Europakoparlamento beshen 720 vezera anda EU:e 27 phralikanethema. Katji but vezera aven anda jekh them ashol pala katji baroj e themesko narodo. E Shvedos si 21 vezera.
Glasoskochachipe ando EU-alope
Chachipe te glasolilpe ando shvedicko EU-alope si kodoles kon si 18 bersh majkishin pe alomaskodjes thaj pashakado si
- shvedicko narodo savo si vaj sas andeiskirime ando Shvedo, vaj
- narodo ande jekh kaver EU-them savo si andeiskirime ando Shvedo thaj daspe opre po shvedicko alomaskoiskiripe majkishin 30 djes angla alomaskodjes.
Alomaskoiskiripe si jekh lil pa kodola zhene saven si chachipe ande varesavo alope.
Kodo savo kamel te avel alosardo vezeri ande Europakoparlamento musaji te avel les glasomaskochachipe ando alope thaj te avel nominirime, sarso phenelpe te avel avrialome kandidato, khatar jekh politikaki partia.
Kodo savo si shvedicko narodo thaj andeiskirime ande jekh kaver EU-them shaj alol te glasolil ande kodo themesko alope po Europakoparlamento. Atunchi shaj maladjol o manush te iskiripe ande po alomaskoiskiripe ande kodo them te shaj aveles shajipe te glasolil. Kado naj sajekh ande sako EU-them.
Shaj zhal te glasolilpe anglal vaj ando alomaskodjes
Ando Shvedo zhal o EU-alope sakade sar po alope po riksdageno, regioni thaj komuni. Kodo saves si alomaskochachipe lel jekh glasoskikartja khere ande lilengilada thaj shaj palakodo te glasolilanglal vaj te glasolil ando alomaskolokali ando alomaskodjes.
Shvedicka narodura save beshen ande thema shaj bishaven pengo glaso lilesa vaj te glasolin pe shvedicka ambasadi thaj konsulti.
Other languages on the website of The Swedish Election Authority