Skurto pa EU:i historia
O gindo avilas pala dujto ljumakomaripe te kezdilpe EU. Shov thema phangle khetanes Europako angaresko- thaj sastreskokhetanipe 1952. Jek gindo sas ke e thema khetanes sas te keren thaj te inkren e produkcia pa angar thaj pa sastri, save sas kuch trajoske butja ande marimaski-industria. Pe kado drom sas kodo tena biril varesavo them te kezdil te chidel thaj te zurarel pes pale. Kado sas o angluno paso ando EU:o kerajipe.
Butjakokhetanipe gelasperdal 1958 te zhal vi sar eksemplo phuvakosantipe- thaj bikinimaskipolitika.
Intrego khetanimaskibutji reslas 1967 thaj akharelaspe po EG, Europeicka khetanimata.
A vramasa barilas e khetanimaskibutji mashkar le membrickathema pe majbut kaver thana. 1993 kerdjilas o EG o EU – Europicko uniona. Atunchi kerdaspe khetanes jek andrutno bikinipe pe butja, zhutimata, zhene thaj kapitalo andral EU.
1999 andas ande o EU e ekonomicko thaj lovali uniona (EMU) khetanes kusa o lov euro. O Euro laspe ande anglunes sar jekh digitalno valuta thaj ando bersh 2002 avile e euroceduli thaj xurde. Adjes si 20 anda EU-thema euro sar valuta. O Shvedo naj ande ando euroski-lovasli-khetanimaskibutji.
Ande kadala bersh majbut thema kerdjile membrura ando EU. De khatar o mashkar 1990-bersh thaj zhi kaj 2013 barilas o EU khatar 12 sar majbut 28 membroskethema.
EU si adjes kerdo anda 27 thema save khetanes si len karing 448 miljomura narodoske zhene.