Vorbakoshero
Vorbakesheres si o majbaro savo inkrel sar e riksdagenoskibutji planirilpe thaj kerelpe. Vorbakoshero vezetil e riksdagensoski butji ando khetanipe kusa riksdagenoskepartienge grupengolideri thaj khetanes e zhutimasa khatar o Riksdagsförvaltningo. Vorbakoshero vezetil pashakado chidimata ande kamra thaj si e riksdagenosko majangluno representanto ande sogodicka thaj internacionalni butja.
Vorbakoshero si kodo majbaro than pesoste so jekh zheno shaj avel alosardo ando Shvedo. Ando rango avel o vorbakoshero pala o themeskoshefo, savo si o kraj, de angla o themeskoministeri.
Vorbakoshero shinavel kon te avel themeskoministeri
Jekh bari butji le Vorbakeshereske si te vezetil e vorbimata pe jekh regeringoskoparujipe thaj te lel angle jek gindo pe jekh nevo themeskoministeri. Kado feri ando Shvedo si. Ande kavera parlamenticka demokraciji majbutivar o themeskoshefo savo vezetil o regeringoskoparujipe.
Riksdagenesko vorbakoshero tordjol avri anda e politikaki riksdagenoskibutji. O vorbakoshero si jek ande alome riksdagenoskovezetori, de sar vorbakoshero chi zhal ande pe bumbakoskibutji vaj ande kavera debatura thaj glasomata ande kamra. Vorbakomasnushes si les kaver zheno kaj zhal ande lesko than.