Dát lea EU
27 riikka leat miellahtut Eurohpálaš uniovnnas, EU. Ruoŧŧa šattai EU- miellahttostáhta 1b. ođđajagemánus 1995. EU- riikkat barget ovttas máŋga ekonomalaš ja politihkalaš jearaldagaiguin.
EU- riikkat ráhkadit ovttas lágaid. Lágat doibmet buot riikkain mat leat mielde EU:as. Eurohpá- parlameanttas ja ministtarráđis sii mearridit ođđa EU- lágaid birra. EU-riikkaid ovddasteaddjit ja Eurohpá- parlameantta áirasat digaštallet ja šiehtadallet ovdal go váldit mearrádusaid.
Sihke ruoŧa ráđđehus ja riikkabeaivi oassálastet barggus ráhkadit lágaid ja čađahit EU- lágaid. Ruoŧas ráđđehus, riikkabeaivi ja eiseválddit dárkkistit ahte EU- lágat ásahuvvot.
Ruoŧa stáhtaborgárat sáhttet váikkuhit EU- ovttasbargui, omd áirasiid bokte. Áirasat mat lea evttohasat riikkabeaivveválggas ja Eurohpá- parlameantta válggas. Eará vuohki váikkuhit ovttasbargui lea geahččalit váikkuhit earáid muvtit oaiviliid juoga ládje.
EU- stáhtaborgárrievttit
Sii geat leat stáhtaborgárat ovtta EU-riikkas leat maid EU uniovdnastáhtaborgárat, nu gohčoduvvon EU- stáhtaborgárat. Dat mielddisbuktá muhtin rivttiid. EU- stáhtaborgárat sáhttet omd.:
- jienastit daid politihkkariid geat besset Eurohpá- parlamentii
- mátkkoštit dahje bargat ja studeret eará EU-riikkain
- oažžut veahki eará EU- riikka ambassádas go mátkkoštit riikkain olggobealde EU:a
- čállit e-poastta dahje sáddet reivve EU institušuvnnaide ja geavahit ovtta EU almmolaš gielain, omd. ruoŧagillii ja oažžut vástádusa iežaset gillii.
- lohkat EU- lágaid ja dokumeanttaid iežaset gillii.
- váidalit EU- ovddasteaddjiin jus don dovddat ahte don leat ožžon boasttoveahkki EU- institušuvnnain.
EU- bargu
Ruoŧa ja eará EU-riikkat barget ovttas ekonomalaš ja politihkalaš jearaldagaiguin. Eareliiggán dakkár áššiin gos ovttasbargu buktá buoret bohtosiid go oktonasbargu. Moadde ulbmila ovttasbargguin lea ekonomalaš šaddanfápmu, alla barggahus ja bistevaš ovdáneapmi EU- riikkaid oktasaš, siskil márkanis.
Vuđolaš njuolggadusat EU- ovttasbargui leat čállon šiehtadusas, nu gohčoduvvon soahpamuš. Soahpamušain oaidná main áššiin EU oažžu mearridit ja got doaibmá váldit mearrádusaid. Soahpamušat leat go vuođđolágat ovtta riikkas. Buot EU-riikkat leat dohkkehan soahpamušaid ja galget čuovvut daid.
EU- riikkat barget ovttas omd. dáin áššiin:
- Gávppašeapmi
- Regiovnnalaš ovdáneapmi
- Eanadoallodoarjja
- Dutkan
- Energiija
- Birasjearaldagat
- Doaibmabijut eastadit vearredaguid
- Dorvoohcciidpolitihkka
Maid EU ii bargga
EU ii mearrit buot áššiin, muhtin áššit leat EU- riikkaid iežaset ovddasvástádus. Muhtin ovdamearkkat leat dinesvearut, buohccedikšu, skuvla, penšuvnnat ja mánáidruhta.