Dimuqraadiyad
Dimuqraadiyaddu qiyaas ahaan waxaa loola jeedaa xukunka dadka ama awoodda dadka. Fikradda aasaasiga ah ee dimoqraadiyadu waa in qof kasta oo muwaadin ah ama ku nool waddan in uu helo fursad uu kaga qayb qaato oo uu fikrad ku yeesho sida dalka loo maamulayo. Caadiyan waxa taasi ku dhacdaa doorashooyin joogto ah.
Fikradda kale ee aasaasiga ah ee dimoqraadiyadu waa in dhammaan dadku ay isku qiimo yihiin oo ayna isku xuquuq yihiin. Dimuqraadiyada, dadka waa in loo ogolaadaa inay ka fikiraan waxay rabaan oo ay helaan fursad ay ku cabiraan ra'yigooda si furan hadal ama qoraal.
Dimoqraadiyadu waxay u ekaan kartaa si ka duwan
Dimuquraadiyadu siyaabo kala duwan ayay u shaqayn kartaa, wadamada dimuquraadiga ahi waxay doorteen habab kala duwan oo ay u habeeyaan sida dalka loo maamulo. Inta badan wadamada dimuqraadiga ah waxay leeyihiin waxa loogu yeero dimoqraadiyada wakiilnimada. Taas macneheedu waxa weeye in muwaaddiniintu doorasha caadiga ah ku doortaan siyaasiyiin iyaga metela oo dalka maamula. Iswiidhan waa dal dimuqraadi ah.
Marka dadka deegaanka loo ogolaado inay ka qaybqaataan go'aan ka gaarista arin gaar ah, tusaale ahaan aftida, waxa loo yaqaan dimoqraadiyad toos ah. Iswiidhan, afti qaran ayaa lagu qabtay, tusaale ahaan tamarta nukliyeerka iyo xubinnimada Midowga Yurub. Nooca aftida ee caadiga ah waa la-talin Iswiidhan, mana aha siyaasiyiinta inay ku qasbanyihiin in ay raacaan natiijooyinkooda.
Boqorku waa madaxa qaranka laakiin awood yar ayuu leeyahay
Wakiilka ugu sarreeya ee waddan waxaa loogu yeeraa madaxa dawladda. Iswiidhan, madaxa qaranku waa boqor ama boqorad xukunka haysa. Laakiin madaxa dawladdu awood siyaasadeed kuma laha Iswiidhan, laakiin inta badan waxa uu leeyahay hawlo calaamad ah.