Në cilin vit u afirmua demokracia në Suedi?
Viti 1921 konsiderohet viti kur demokracia definitivisht fitoi në Suedi. Në vitin 1919 parlamenti kishte vendosur mbi votim të përgjithshëm dhe të barabartë për mashkuj dhe femra. Pas këtij vendimi, dy vite më vonë, u mbajtën zgjedhjet e para parlamentare. Në zgjedhjet e vitit 1921 pesë femra zunë vend në parlament.
Lexoni më shumë në gjuhën suedeze:
Riksdagens historia
Kush mund të votojë në zgjedhjet parlamentare?
Për të patur të drejtën e votimit në zgjedhjet parlamentare duhet të jeni nënshtetas i Suedisë dhe të keni mbushur 18 vite. Në zgjedhjet për kuvende të prefekturave dhe të komunave të drejtë votimi kanë nënshtetasit suedez që më së voni ditën e zgjedhjeve mbushin 18 vite dhe që janë të regjistruar në evidencën civile të prefekturës gjegjësisht komunës. Nënshtetas të secilit nga shtetet e Bashkësisë Evropiane si dhe nënshtetas të Islandës dhe Norvegjisë kanë të drejtë votimi me po ato kushte. Nënshtetas të shteteve tjera kanë të drejtë votimi nëse para zgjedhjeve kanë qenë të regjistruar në evidencë civile në Suedi tri vite me radhë.
Lexoni më shumë në gjuhën suedeze:
Kur mbahen zgjedhjet parlamentare në Suedi?
Zgjedhjet mbahen në çdo katër vite. Zgjedhjet e fundit parlamentare janë mbajtur në vitin 2018 dhe zgjedhjet e ardhshme do të mbahen në vitin 2022.
Lexoni më shumë në gjuhën suedeze:
Sa përqind e popullatës votuan në zgjedhjet e vitit 2018?
87,2 përqind e atyre që kishin të drejtë votimi votuan në zgjedhjet e vitit 2018.
Lexoni më shumë në gjuhën suedeze:
Valmyndighetens webbplats
Kush vendos se cili do të jetë kryeministri?
Kryeparlamentari është ai që propozon një kryeministër ndërsa deputetët në dhomën parlamentare votojnë mbi propozimin e kryeparlamentarit. Mirëpo para se kryeparlamentari të dorëzojë propozimin ai e diskuton këtë me partitë të përfaqësuara në parlament.
Lexoni më shumë në gjuhën suedeze:
Kush emërton ministrat e qeverisë?
Vetë kryeministri emërton ministrat në qeveri. Ai person që bëhet ministër duhet të ketë të drejtën e votimit parlamentar. Kjo do të thotë se ai duhet të jetë nënshtetas suedez dhe duhet t’i ketë mbushur 18 vite. Këto janë kushtet e vetme formale për t’u bërë ministër.
Lexoni më shumë në gjuhën suedeze:
Cilat janë detyrat e kryeparlamentarit?
Kryeparlamentari udhëheq, organizon dhe planifikon punën e parlamentit. Kryeparlamentari kryeson kur dhoma parlamentare mban mbledhje, debaton dhe bie vendime. Një detyrë tjetër me rëndësi është që ai të udhëheq negociatat gjatë ndërrimit të qeverive (shih pyetjen 5). Kryeparlamentari i tanishëm i parlamentit suedez quhet Andreas Norlén.
Lexoni më shumë në gjuhën suedeze:
A ka mbreti ndonjë detyrë në parlament?
Është detyrë e mbretit që çdo vit, në vjeshtë, të shpallë të hapur punën e parlamentit. Me këtë starton viti parlamentar. Mbreti është kryeshtetas i Suedisë, por ky është një funksion kryesisht me detyra reprezentative dhe ceremoniale.
Lexoni më shumë në gjuhën suedeze:
Kungahusets webbplats